ကြခတ်ဝိုင်း ဆရာတော်နဲ့ ကျောင်းတိုက်က သံဃာတွေကိုပဲခူးမြို့ခံတွေ သပိတ်မှောက်

ပေးပို့သူ - မဆုမွန်


ပဲခူးမြို့ပေါ်က ရပ်ကွက်တွေရဲ့ လမ်းတိုင်း လမ်းတိုင်းမှာ “သားသုံးသား”ကို အမြစ်ပြတ် သုတ်သင်ချေမှုန်းဖို့ နအဖစစ်အစိုးရ ၀န်ကြီးတွေကို အခါတော်ပေးခဲ့တဲ့ သာသနာဖျက် ကြခတ်ဝိုင်း ဆရာတော်နဲ့ ကျောင်းတိုက်က သံဃာတွေကို ပဲခူးမြို့ခံ ပြည်သူတွေက သပိတ်မှောက်တဲ့ အနေနဲ့ “ကြခတ်ဝိုင်း ကျောင်းတိုက်က သံဃာတော်တွေကို ဆွမ်းမလောင်းပါ” ဆိုတဲ့ စာတန်းတွေ နေရာအနှံ့ ကပ်ထားကြောင်း ပဲခူးမြို့ခံတွေရဲ့ ပြောပြချက်အရ သိရှိရပါတယ်၊၊

စစ်အစိုးရကို ထောက်ခံပြီး ပတ္တနိက္ကုဇ္စုန ကံဆောင်ခြင်း မလုပ်တဲ့အတွက် ကြခတ်ဝိုင်း ကျောင်းတိုက် ဆရာတော်နဲ့ ကျောင်းတိုက်မှာ သီတင်းသုံးတဲ့ သံဃာတွေကို ပဲခူးမြို့ခံတွေက အခုလို ဆွမ်းကပ်လှူခြင်း မပြုတော့ကြောင်း ကြေငြာပြီး သပိတ်မှောက် ဆန္ဒပြခဲ့ကြတာ ဖြစ်တယ်လို့ သိရပါတယ်၊၊

ကြခတ်ဝိုင်း ဆရာတော်ကလည်း ပဲခူးမြို့သူမြို့သားတွေရဲ့ ဆွမ်းမကပ်လှူခြင်းအပေါ် တုန့်ပြန်တဲ့ အနေနဲ့ သူပိုင် ငွေစာရင်း ရှင်းတမ်းတခု ထုတ်ပြန်ပြီး ပဲခူးမြို့ခံတွေရဲ့ သပိတ်မှောက်မှုကို ချက်ခြင်း တုန့်ပြန်ခဲ့ကြောင်း သိရပါတယ်၊၊ ကြခတ်ဝိုင်း ဆရာတော်ရဲ့ ကြေညာချက်ထဲမှာ ဒကာ၊ ဒကာမတွေ ဆွမ်းမကပ်လည်း ကျောင်းတိုက်မှာ ငွေသိန်းထောင်နဲ့ချီ ရှိတဲ့အတွက် ဆွမ်းမရှားကြောင်း တုန့်ပြန် ရေးသားတာကို တွေ့ရပါတယ်၊၊

ကြခတ်ဝိုင်း ဆရာတော်ရဲ့ ဘွဲ အမည် အပြည့်အစုံကို ကြေညာချက် ရှေ့ပိုင်းမှာ ရေးသား ဖော်ပြထားပါတယ်၊၊ ငွေစာရင်းရှင်းတမ်းမှာ ငါလိမ္မာတာ ငါဖို့ ၊ ငါချွေတာ ငါဖို့၊ ငါကြိုးစားတာ ငါဖို့ ဆိုတဲ့ မူအတိုင်း သွားနေတဲ့ ကြခတ်ဝိုင်း ဆရာတော်ဟာ ပျံလွန်ဖို့ (၁၄)လ လိုသေးတယ်လို့လည်း ဖော်ပြထားပါတယ်၊၊

ကျောင်းထိုင်သက် ၅၉နှစ်ရှိတဲ့ ဆရာတော်ရဲ့ ငွေစုနှစ် အနှစ် ၃၀ ပြည့်ပြီဖြစ်ကြောင်း ငွေပင်ငွေရင်း စုငွေပေါင်း သိန်းပေါင်း သုံးသောင်းနဲ့ ခုနှစ်ထောင် ရှိနေတဲ့အတွက် ဆွမ်းကွမ်းကိစ္စ ပူစရာ မရှိကြောင်း ဖော်ပြထားပါတယ်၊၊
လက်ရှိ စာချသံဃာ အပါးတစ်ထောင်ကျော်ကို ကျွေးမွေးတဲ့ နေရာမှာ ၀အောင် ကျွေး၊ လှအောင် ပေး၊ တတ်အောင် သင်၏၊ ငြိမ်အောင် အုပ်တယ်လို့ ပါရှိပါတယ်၊၊

အခုလို တုန့်ပြန်ရေးသား ကြေညာထားတဲ့ ကြခတ်ဝိုင်း ဆရာတော်ရဲ့ ငွေစာရင်းရှင်းတမ်း ကြေညာချက်ကို ဖတ်ရတဲ့ ပဲခူးမြို့ ခံတွေကလည်း ကြခတ်ဝိုင်း ကျောင်းတိုက် သံဃာတွေကို ဆွမ်းမလောင်းလှူရေး ဆန္ဒပြမှု ဆက်လက် လုပ်ဆောင်သွားမယ်လို့ သိရပါတယ်၊၊

ပဲခူးမြို့ ကြခတ်ဝိုင်း ဆရာတော်ရဲ့ နှစ်စဉ် ပြုလုပ်နေကျ ပ၀ါရဏာပွဲအတွက် မြို့ခံပြည်သူတွေက လုံးဝ ၀င်မကူကြတဲ့အတွက် တပ်မ(၇၇)က စစ်သားတွေက ဦးဆောင်ပြုလုပ် ပေးခဲ့ရကြောင်းလည်း မြို့ခံတွေက ပြောကြပါတယ်၊၊


ဒေါက်တာလွဏ်းဆွေဘလော့ဂ်မှကူးယူဖေါ်ပြသည်။