နေရာဟောင်းက ဖယ်ပေးရမည့် နာရေးအသင်း နေရာသစ်တွင် ဆောက်ခွင့်မရသေး

ပီတာအောင်/ ၁၅ စက်တင်ဘာ ၂၀၀၈။ ။

နာရေးကူညီမှုအသင်း (ရန်ကုန် ) ရုံးချုပ်နေရာနှင့် အခမဲ့ဆေးခန်းတို့ကို လက်ရှိနေရာမှဖယ်ပေးရတော့မည်ဖြစ်ပြီး နေရာသစ်၌လည်း အဆောက်အဦ ဆောက်လုပ်ခွင့်ပါမစ် မရဖြစ်နေသဖြင့် ပြောင်းရွှေ့ရန်ကိစ္စ အခက်အခဲကြုံတွေ့ နေရသည်ဟု နာရေးကူညီမှုအသင်းက ပြောသည်။

နာရေးကူညီမှုအသင်း (ရန်ကုန်) ဥက္ကဋ္ဌ ဦးကျော်သူက “ နောက်နှစ် (၇) လပိုင်း (၃၁) ရက်နေ့ နောက်ဆုံးထားပြီး အကုန်လုံး စပြောင်းရမှာ။ ဆေးခန်းရော၊ ရုံးရောပြောင်းမှာ။ အဆောက်အဦက မြောက်ဒဂုံမြေကွက်မှာ၊ ဆောက် ခွင့်ပါမစ်က မကျသေးဘူး။ ခုတော့ မြေကွက်ရှင်းထားတုန်းပဲရှိသေးတယ်။ ပါမစ်က လျှောက်ထားတုန်းပဲ။ မမီ ရင်တော့ ဖြစ်သလိုပဲ လုပ်ရမှာပဲ။ ရုံးခန်းတော့ ရေဝေးမှာ တွဲလုပ်ပြီး၊ ဆေးခန်းတော့ ခဏပိတ်ရမယ့်သဘော ရှိတယ်” ဟု ခေတ်ပြိုင်သို့ ပြောသည်။

မူလဖွင့်လှစ်ထားသည့်နေရာကို မြို့ရွာနှင့် အိုးအိမ်ဖွံ့ဖြိုးရေးဦးစီးဌာနက နေရာဖယ်ပေးရန် တောင်းဆိုလာသည့် အပြင် မြေနေရာပေးထားသည့် ဗြဟ္မ၀ိဟာရကျောင်းတိုက် ဆရာတော် ဦးနန္ဒမာလာကလည်း နေခွင့်မပြုတော့ သဖြင့် ရုံးနေရာ ဖယ်ပေးရခြင်းဖြစ်ကြောင်း၊ ပြောင်းရွှေ့ရမှုကြောင့် ဆေးခန်းသို့ နေ့စဉ်လာနေကျ လူနာများ အတွက် ထိခိုက်မှုရှိနိုင်သည်ဟု ဦးကျော်သူက ပြောသည်။

နာရေးကူညီမှုအသင်း (ရန်ကုန်) ရုံးကို ရန်ကုန်မြို့ သင်္ဃန်းကျွန်းမြို့နယ်၊ ၁၆/၂-ရပ်ကွက်၊ သုဒဿနလမ်း၊ ဗြဟ္မ၀ိဟာရ ပရိယတ္တိစာသင်တိုက်၌ ၂၀၀၁ ခုနှစ်ဆန်းပိုင်းကတည်းက ဖွင့်လှစ်ပြီး ဆင်းရဲနွမ်းပါးသူတို့အတွက် အခမဲ့ သင်္ဂြိုဟ် ပေးသည့်လုပ်ငန်းများ လုပ်ကိုင်ခဲ့သည်။ ယမန်နှစ် မတ်လ၌ သုခအခမဲ့ ဆေးခန်းကို ဖွင့်လှစ်ခဲ့ပြီး နေ့စဉ်လူနာပေါင်း (၁၀၀) ကျော်တို့ကို အခမဲ့ ဆေးဝါးကုသပေးလျက်ရှိသည်။ နောက်ပိုင်းတွင် သဘာဝဘေးဒုက္ခသည်များအတွက် အကူ အညီပေးသည့် လုပ်ငန်းများကိုပါ တိုးချဲ့လုပ်ကိုင်သည်။

နေရာသစ်သည် မြောက်ဒဂုံ မြေတိုင်းရပ်ကွက် (၄၈)၊ ဗိုလ်ဗထူးလမ်း၊ အမှတ် (၁၃-က) ၌ တည်ရှိပြီး (၂) ဧကကျော် ကျယ်ဝန်းသည်။ ယင်းနေရာ၌ အသင်းဌာနချုပ်ရုံးခန်း၊ အခမဲ့ဆေးခန်း ပညာဒါနစာသင်ကျောင်း၊ ဘိုးဘွားရိပ်သာ စသည်တို့ကို နာရေးကူညီမှုအသင်းက ဆောက်လုပ်လိုသော်လည်း လက်ရှိအခြေအနေ၌ ဆောက်လုပ်ခွင့် ပါမစ်မရ သေးရုံမက ကုန်ကျမည့် ငွေကျပ် သိန်း (၁) ထောင်ကျော် ရန်ပုံငွေရရှိရန်မှာလည်း အလှူရှင်များ လိုအပ်နေဆဲဖြစ်သည်။

By NEJ

URL: http://www.khitpyaing.org/archives/3894