ငရဲခွေးကြီးများ လွတ်နေသည်

အောင်ဇော်

ရန်ကုန်မြို့ကို စစ်တပ်က စီးနင်းသိမ်းပိုက်ထားပြီး ဆန္ဒပြရဟန်းတော်များနှင့် တက်ကြွလှုပ်ရှားသူများကို ဖြိုခွဲချေမှုန်းမှု များက ပိုမိုပြင်းထန်လာသည်။ နေ့ရော ညပါ ဖမ်းဆီးနှိပ်ကွပ်မှုများ ဖြစ်ပေါ်နေသည်။ မြန်မာနိုင်ငံရှိ သွေးထွက်သံယို ချေမှုန်းနေမှုများကို မြင်နေကြရသည့် သူအများအတွက် မေးခွန်းထုတ်စရာများလည်း ဖြစ်ပေါ်လာခဲ့သည်။ ဤသို့ ရက်ရက် စက်စက် ဖြိုခွဲချေမှုန်းမှုများ နောက်ကွယ်တွင် မည်သူက အမိန့်ပေးနေခဲ့သနည်း။ ရဟန်းတော်များနှင့် အပြစ်မဲ့ပြည်သူများကို ပစ်ခတ်ရန်အတွက် မည်သူက အမိန့်ပေးခဲ့သနည်းဟု စောကြောစရာ ဖြစ်လာခဲ့ရသည်။

လူတိုင်းလိုလိုက ဗိုလ်ချုပ်မှူးကြီးသန်းရွှေနှင့် စစ်တပ်အတွင်းရှိ ခေါင်းမာဂိုဏ်းသားများကို အပြစ်ရှိကြောင်း လက်ညှိုးထိုးပြ ခဲ့ကြသည်။ တချိန်က စိတ်ဓာတ်စစ်ဆင်ရေးဌာနကို ဦးဆောင်ခဲ့သူ၊ ယခုကာကွယ်ရေးဦးစီးချုပ် ဖြစ်နေသူ ဗိုလ်ချုပ်မှူးကြီးကို လျှို့ဝှက်သိပ်သည်း ဥာဏ်နီဥာဏ်နက်များလွန်းသူဟုလည်း လူအများက သိထားကြသည်။

ထိုကဲ့သို့သော ဗိုလ်ချုပ်သန်းရွှေကို သဘောထားတင်းမာသော စစ်တပ်ခေါင်းဆောင်များနှင့် ၀န်ကြီးများက ၀န်းရံထားကြ သည်။ လွန်ခဲ့သော ၂ နှစ်တာ ကာလအတွင်း သူက စစ်တပ်နှင့် ၀န်ကြီးအဖွဲ့အတွင်း ရာထူးနေရာ အပြောင်းအလဲများကို စီစဉ်ခဲ့ပြီး သူ၏လူယုံ သစ္စာခံများကိုသာ ရာထူးတိုးမြှင့်နေရာချထားခဲ့သည်။

ထောက်လှမ်းရေးမှူးချုပ်ဖြစ်သူနှင့် ၀န်ကြီးချုပ် ဗိုလ်ချုပ်ကြီးခင်ညွန့်ကို ၂၀၀၄ ခုနှစ် အောက်တိုဘာလတွင် ဖယ်ရှားခဲ့ပြီး သည့်နောက်ပိုင်း စစ်ခေါင်းဆောင်များက နေပြည်တော်မြို့တော်သစ်တွင် လေးလပတ် စုံညီအစည်းအဝေးများကို နောက်ကျ၍ ၂၀၀၆ အတွင်းတွင်မှ ကျင်းပခဲ့ကြသည်။ ဤအစည်းအဝေးတွင် ရာထူးအပြောင်းအရွှေ့ကိစ္စများ၌ ဗိုလ်ချုပ် သန်းရွှေက ချယ်လှယ်စီမံခဲ့သည်ကိုလည်း အထင်းသားတွေ့ခဲ့ကြရသည်။

ဤစုံညီ အစည်းအဝေးတွင် စစ်အစိုးရအကြီးအကဲက ကာကွယ်ရေးဌာန စစ်ဆင်ရေးအထူးအဖွဲ့ (ကစထ) (၅) ကို အသစ် စီစဉ်ဖွဲ့စည်းခဲ့ပြီး ဒု ဗိုလ်ချုပ်ကြီးမြင့်ဆွေကို ဦးဆောင်စေခဲ့သည်။ (ယခင်က မြန်မာနိုင်ငံတွင် စစ်ဆင်ရေးအထူးအဖွဲ့ ၄ ခုသာ ရှိသည်)။

ယခင်က တပ်မတော်ရေးရာ လုံခြုံရေးအဖွဲ့ခေါင်းဆောင်ဖြစ်သူ ဒု ဗိုလ်ချုပ်ကြီးမြင့်ဆွေက ဗိုလ်ချုပ်သန်းရွှေ၏ လက်စွဲ ဖြစ်သည်။ သူ့ကို ယခုကဲ့သို့ တာဝန်ပေးလိုက်သည်မှာလည်း ပို၍အဆင့်မြင့်သော တပ်မတော်ရာထူးများအတွက် ဆက်လက် တာဝန်ယူနိုင်ရန် လမ်းခင်းပေးလိုက်ခြင်းလည်း ဖြစ်သည်။ အထူးစစ်ဆင်ရေးအဖွဲ့ (၅) က ရန်ကုန်တိုင်းကို တာဝန်ယူရပြီး ၎င်း၏ လက်အောက်တွင် ရန်ကုန်တိုင်းစစ်ဌာနချုပ် တပ်မှူးကို ထည့်သွင်းတာဝန်ပေးခဲ့သည်။

ဗိုလ်ချုပ်သန်းရွှေက ၎င်းယုံကြည်သော ဗိုလ်ချုပ်များကိုလည်း စစ်ရုံးချုပ်တွင် ထည့်သွင်းတာဝန်ပေးခဲ့ပြန်သည်။ စစ်တပ် အတွင်း နံပါတ် (၃) ဟု လူအများယူဆထားသူ ဗိုလ်ချုပ်ကြီးသူရရွှေမန်းသည်လည်း ဗိုလ်ချုပ်သန်းရွှေနှင့် နီးစပ်သူဟု ဆိုကြပြီး တပ်မတော် ကာကွယ်ရေးဦးစီးချုပ် တာဝန်ဆက်ခံရန် လျာထားသူဟုလည်း ဆိုသည်။

ဤလေးလပတ်အစည်းအဝေးတွင် ဗိုလ်ချုပ်သန်းရွှေနှင့် ၎င်း၏လက်ထောက် တပ်မတော် (ကြည်း) ဦးစီးချုပ် ဒု ဗိုလ်ချုပ် မှူးကြီး မောင်အေးတို့အကြား သဘောတူညီမှုရခဲ့ကြပြီး အရေးပါသောနေရာများတွင် ၎င်းတို့အသီးသီး၏ သစ္စာခံတပ်မှူး များကို ခန့်အပ်ထားခဲ့ကြသည်။

ဥပမာအားဖြင့် ယခင်အရှေ့မြောက်တိုင်း စစ်ဌာနချုပ်တိုင်းမှူး ဗိုလ်ချုပ်မြင့်လှိုင် (ဗိုလ်ချုပ်မောင်အေး၏ ကိုယ်ရေး လက်ထောက် တာဝန်ထမ်းဖူးသူနှင့် ၀န်ကြီးချုပ်ဟောင်း ဗိုလ်ချုပ်ခင်ညွန့်၏ ကျဆုံးခန်းကို ဖန်တီးအစပျိုးခဲ့သူ) ကို ဒု ဗိုလ်ချုပ်ကြီးတာဝန် တိုးမြှင့်ခန့်ထားခဲ့ပြီး လေကြောင်းရန်ကာကွယ်ရေး စစ်ဌာနချုပ်၏ ဦးစီးချုပ်အဖြစ် ခန့်ထားခဲ့သည်။ ဤတာဝန်မှာ ဗိုလ်ချုပ်စိုးဝင်း ၀န်ကြီးချုပ်မဖြစ်မီက ထမ်းဆောင်ခဲ့သောတာဝန်လည်း ဖြစ်သည်။ ယခုအချိန်တွင်တော့ ဗိုလ်ချုပ်စိုးဝင်းလည်း နာမကျန်းဖြစ်ကာ စင်္ကာပူနိုင်ငံတွင် ဆေးကုသမှုခံယူနေရသည်။

ယခင် အရှေ့ပိုင်းတိုင်း စစ်ဌာနချုပ်တိုင်းမှူးဖြစ်သူ ဗိုလ်ချုပ် ရဲမြင့်ကိုလည်း ဒု ဗိုလ်ချုပ်ကြီးတာဝန်တိုးမြှင့်ခဲ့ပြီး တပ်မတော် လုံခြုံရေးတပ်ဖွဲ့ ဦးစီးအဖြစ် တာဝန်ပေးအပ်ခဲ့သည်။ သူသည်လည်း ဗိုလ်ချုပ်မောင်အေးနှင့် နီးစပ်သူဖြစ်သည်။

ဗိုလ်ချုပ်သန်းရွှေ၏ လူများကလည်း ကာကွယ်ရေးဝန်ကြီးဌာနတွင် နေရာယူနိုင်ခဲ့ကြသည်။ ၂၀၀၆ ခုနှစ် စုံညီအစည်းအဝေး တွင် ဗိုလ်ချုပ်သူရရွှေမန်းနှင့် နီးစပ်သူ ဗိုလ်မှူးချုပ် တင်ငွေကို စစ်ဦးစီးအရာရှိချုပ် တာဝန်ပေးခဲ့သည်။ ထို့အပြင် သတင်းများ အရ ဗိုလ်ချုပ်သူရရွှေမန်းက ဗိုလ်ချုပ်မောင်အေးနှင့် ဆက်ဆံရေးကောင်းမွန်အောင် ထိန်းထားသည်ဟု ဆိုကြသည်။

သတင်းများအရ ဗိုလ်ချုပ်သန်းရွှေက ဗိုလ်ချုပ်မြင့်ဆွေ၊ စက်မှုဝန်ကြီး ဦးအောင်သောင်း။ သိပ္ပံနှင့် နည်းပညာဝန်ကြီး ဦးသောင်း၊ ပြည်ထဲရေးဝန်ကြီး ဗိုလ်ချုပ်မောင်ဦး၊ ပြန်ကြားရေးဝန်ကြီး ဗိုလ်မှူးချုပ် ကျော်ဆန်းတို့နှင့်လည်း ပုံမှန်တွေ့ဆုံ၍ အစည်းအဝေးများ လုပ်လေ့ရှိသည်ဟုဆိုသည်။

၂၀၀၃ ခုနှစ် မေလက ဒီပဲယင်းတွင်ဖြစ်ခဲ့သော ဒေါ်အောင်ဆန်းစုကြည်နှင့် ၎င်း၏ယာဉ်တန်းကို အကြမ်းဖက်တိုက်ခိုက်ခဲ့မှု တွင် ဗိုလ်ချုပ်သန်းရွှေက မီးစိမ်းပြခွင့်ပြုခဲ့ကြောင်းလည်း လူအများက ကျယ်ကျယ်ပြန့်ပြန့်ယုံကြည်နေကြသည်။ ထို့အပြင် ယခုနှစ် သြဂုတ်လတွင်ဖြစ်ပွားခဲ့သော အကြမ်းဖက်မှုများတွင်လည်း ဦးအောင်သောင်းနှင့် ဦးသောင်းတို့က လူရမ်းကားများ စုဖွဲ့၍ စီစဉ်ဆောင်ရွက်ခဲ့ကြသည်ဟု ဆိုသည်။

လေ့လာသူများအဆိုအရ ဗိုလ်ချုပ်မောင်အေးနှင့် ၎င်း၏သစ္စာခံများ ဘေးဖယ်ထားခံနေကြရပြီး သြဇာလည်း ကျဆင်းလာ နေခဲ့သည်ဟု ယုံကြည်ကြသည်။ အချို့သော သံတမန်သတင်းရပ်ကွက်များအဆိုအရ ယခင်က ရှမ်းပြည်နယ် အရှေ့ပိုင်း တိုင်း တိုင်းမှူးတာဝန်ယူခဲ့ဖူးသူ ဗိုလ်ချုပ်မောင်အေးက သူ၏အထက်တပ်ချုပ်ကြီးကို ဆန့်ကျင်၍ လှုပ်ရှားမှုများပြုရန် ဆန္ဒ နည်း၍ တုံ့ဆိုင်းနေကြောင်းလည်း ဆိုကြသည်။ အကယ်၍ တပ်ချုပ်ကြီးကို ဆန့်ကျင်ဆောင်ရွက်ခဲ့လျှင်သော်မှ သူကျဆုံး ရန် အလားအလာရှိပြီး ထုတ်ပယ်ခံရဖွယ်လည်း ရှိနေသည်။

မကြာသေးမီက ဗိုလ်ချုပ်မောင်အေးက ၎င်း၏ ကုန်သွယ်ရေးကောင်စီဥက္ကဋ္ဌရာထူးကို စွန့်လွှတ်ခဲ့ရသေးသည်။ ဤသို့ရာထူး တာဝန်စွန့်လွှတ်စေရန် အတင်းအကျပ်ခိုင်းစေခဲ့ခြင်း ရှိ မရှိ ကတော့ မသေချာလှပါ။

အချို့သော အရာရှိများက ယုံကြည်နေကြသည်မှာ ဗိုလ်ချုပ်သန်းရွှေနှင့် ဗိုလ်ချုပ်မောင်အေး အကြားသဘောထားကွဲလွဲမှု များရှိနေပြီး အထူးသဖြင့် အနာဂတ်နိုင်ငံရေးတွင် တပ်မတော်က ပါဝင်ပတ်သက်နေ့မည့် အခန်းကဏ္ဍနှင့် ပတ်သက်၍ ဖြစ် သည်။ စစ်တပ်ပြုပြင်ပြောင်းလဲရေး အစီအစဉ်များတွင်လည်း သဘောထားကွဲလွဲနေကြသေးသည်ဟု ဆိုသည်။

၁၉၉၆ ခုနှစ်မှစ၍ ဗိုလ်ချုပ်မောင်အေးက တပ်မတော်ခေါင်းဆောင်ပိုင်း သွေးသစ်လောင်းရေး အစီအစဉ်အနေဖြင့် စစ် တက္ကသိုလ် (ဒီ-အက်စ်-အေ) ကျောင်းဆင်းများဖြင့် ထည့်သွင်းခန့်ထားလိုသည်ဟု ဆိုကြသည်။ သူကိုယ်တိုင်ကလည်း စစ် တက္ကသိုလ် ပထမပတ်သင်တန်းဆင်း ဖြစ်သည်။

သို့သော်လည်း သူ၏အကြံကို ဗိုလ်ချုပ်သန်းရွှေ အုပ်စုများက သဘောမတွေ့လှ အတိုက်အခံပြုကြသည်။ ဗိုလ်ချုပ် မောင်အေးက ယခင်ကာလများက ကာကွယ်ရေးဝန်ကြီးဌာနကို ကွပ်ကဲခဲ့ရသော်လည်း ယခုအခါတွင် အနီး၌ ဗိုလ်ချုပ် သန်းရွှေ ရာထူးတိုးမြှင့်ခန့်ထားပေးလာသော အငယ်တန်းအရာရှိများဖြင့် ၀န်းရံထိန်းချုပ်ခံနေရပြီ ဖြစ်သည်။

ဗိုလ်ချုပ်သန်းရွှေက ဗိုလ်လောင်းသင်တန်း (အို-တီ-အက်စ်) အမှတ်စဉ် (၉) မှ ဆင်းလာသူဖြစ်ပြီး ၁၉၈၀ ခုနှစ်များ၌ ဧရာဝတီမြစ်ဝကျွန်းပေါ်ဒေသတွင် ကွပ်ကဲဦးစီးခဲ့ရသည်။

ဤဗိုလ်ချုပ်နှစ်ယောက်စလုံးက လက်ရှိစစ်အစိုးရအတွင်းတွင် ၁၉၈၈ ခုနှစ် ယခင် နိုင်ငံတော်ငြိမ်ဝပ်ပိပြားမှု တည်ဆောက် ရေးအဖွဲ့ (န၀တ) ကာလ ကတည်းက တာဝန်ယူလာသူများ ဖြစ်ကြသည်။ နောက်ပိုင်း ၁၉၉၇ ခုနှစ်တွင် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ (နအဖ) အဖြစ်ပြောင်းလဲ ဖွဲ့စည်းစဉ် တလျှောက်လုံး ပါဝင်ဦးဆောင်လာသူများ ဖြစ် ကြသည်။

ဤဗိုလ်ချုပ်ကြီးနှစ်ယောက်က ယခုအခါရန်ကုန်မြို့တွင်းသို့ ငရဲခွေးများ ကြိုးဖြေလွှတ်ပေးခဲ့ပြီး ယခင်မြို့တော်ဟောင်း ရန်ကုန်နှင့် မြန်မာပြည် တနံတလျား လမ်းမများပေါ်တွင် သွေးများစွန်းထင်းစေခဲ့လေပြီ။

ဧရာဝတီမှကူးယူဖေါ်ပြသည်။